إنشاء مدونة: ماذا تقول للعالم؟

من القلم إلى الكيبورد

 نحو إنشاء مدونة

شمس :	مالك يا شهاب؟ مالك غضبان ..  هو فى حاجة ؟
شهاب :	كل شئ فى الدنيا يمكن تحمله إلا الاستخفاف والاستهانة
شمس :	طبعا أنا معاك ... بس واحدة واحدة .. فهمنى ؟
شهاب :	من زمان وأهالينا قالوا لنا : يوجد فى الحياة فريق يكره نفسه .. لدرجة إنه  دايم العداوة لكل ما هو جديد .. وبعدين أنت عارفة إن أية تجربة إبداعية جديدة تعامل من مثل هؤلاء  باستخفاف لازم تكون  مهددة بالخسارة والفشل .
شمس :	فعلا.. كلامك صح .. والغريب يأخى إن الناس دول - أعداء التجديد  - دايما ناسيين إن القديم كان فى يوم من الأيام  هو الجديد .
شهاب :	.. والجديد بالتأكيد يبقى قديم فى أية لحظة مستقبلية .
شمس :	بس فى حاجة يا شهاب .. من المفروض أننا لا نفرط فى الاحتفاء بكل ما هو جديد لمجرد انه جديد ، لان الموضوع يحتاج لمعايير.
شهاب :	معايير .. ده الموضوع كده كبير
شمس :	لا كبير ولا حاجة .. بس لازم تعرف إن المعيار الأساسى هو الإبداع الذى يحقق عدة عناصر من :  متعة ذهنية أو رؤية جمالية   أو أى شئ  يعمل على تطور الإنسان والمجتمع .
شهاب :	اه .. بمناسبة المجتمع والمشاركة الاجتماعية .. أنا أعرف ناس عندهم حماسة وعندهم رغبة فى تجاوز المكان بهدف الحضور الفعلى والمؤثر فى حياة الناس و فى توجهاتهم السلوكية
شمس :	وتفتكر ده ممكن يتم إ زاى ؟
شهاب :	اسألى الحاضرين .. أظن أنهم يعرفون .. ما هم ليل نهار قدام الكمبيوتر .. وبالتأكيد حد من الموجودين شاهد أو سمع عن حاجة اسمها المدونات
شمس :	المدونة .. المدونة .. ما هو كل الكتب اللى درسناها مدونة .. وفى منها مطبوع بخط صغير كان يؤلم العين لو فكرنا نذاكرها .
شهاب :	لأ لأ الموضوع غير كده .. اقصد مدونة على الشبكة الدولية للمعلومات (الانترنت) ..مدونة تسمح لكل واحد راغب فى البيان والتواصل بالحضور والتحقق والتعبير
شمس :	وهو من حق أى فرد المشاركة التعبيرية فى هذه المدونات ؟
شهاب :	طبعا ويمكن أن يقوم بتحرير أى تعليق سواء بالقبول أو الرفض
شمس :	معنى كده إن المدونة تبدأ من حالة عزلة ، وسرعان ما يتجاوز أصحابها شعور الوحدة والعزلة ليندمجوا فى صحبة شخصيات أخرى .  لكن يا شهاب  هى المدونات دى ليها سمات ؟
شهاب :	كتير ... كتير قوى ..  عندك مثلا : - المدونة ليها القدرة على بث الحيوية فى النصوص الإبداعية - وتعطى مساحة للرأى والإبداع  الأدبى  والفكرى - وتؤكد دور التكنولوجيا فى تحقيق التواصل المفقود بين العقول - وكمان تجعل الفرد أكثر نضجا وقدرة على الجدل والحوار والتفاعل مع الآخرين .... وحاجات تانية كتير
شمس :	شهاب : انا سمعت عن حاجة اسمها الهوية الآلية .. أنت تعرفها ؟
شهاب :	الهوية يعنى بطاقة خاصة ، فيها الاسم الحقيقى أو الآلى  .. فيها العنوان اللى اختاره المدون لنفسه ،  وطبعا العنوان الآلى لهذا الفرد قصدى (الايميل)
شمس :	ممكن تذكر لى خطوات إنشاء المدونة ؟
شهاب :	نحدد اسم المدونة .. وسر اختيار الاسم .. ويحاول الفرد أن يقدم  نفسه للقراء فى جملة ..  وكمان يكتب رسالة يوضح فيها الغرض من المدونة
شمس :	والمدونات بوجه عام  تسمح بتعدد المشاركة وتنوع العلاقات ؟
شهاب : شمس :	طبعا تسمح .. عندك مثلا المشاركة والالتقاء الإنساني يمكن أن نلحظه  من خلال تاريخ الميلاد أو الأفكار وحاجات تانى  كتير  يعنى  ممكن نقول إن المدونة تساعد على تجاوز الاغتراب ، وتسعى إلى كسر محيط العزلة
شمس :	أنا مرة سمعت إن المدونات توفر مادة بحثية مهمة للباحثين وبخاصة فى معرفة الأذواق ،  و مدى قيمة الأعمال الإبداعية
شهاب :	كلامك يؤكد إنك توصلت إلى القيمة الثقافية للمدونات
شمس :	ما هو اكتشاف المواهب من أهم الفوائد التى  تقدمها المدونات ، والتنافس يؤدى الى التطور ..  ده احيانا تكون الكتابة فى المدونات تعبير صادق عن الواقع
شهاب :	قصدك أن المدون يعبر عن تفاصيل نابعة من تجربة ذاتية ؟ وأكيد المدون بكتاباته يحاول كشف أسلوب تفاعله مع العالم المحيط به
شمس :	أنا شخصيا فرحانة .. لان المدونات النسائية تقدمت جدا .. والاتجاه النسائى فى التدوين قدم صفحات آلية كتير تكشف المواهب التأليفية فى التحرير وتطوير الأساليب
شهاب :	وانا هضيف على كلامك حاجة .. تصورى ان المدونات تقدم فرصة عظيمة للدراسات الموازنة والمقارنة
شمس :	المسألة دى عايزة شرح ، واحدة واحدة .....
شهاب :	لدراسة أى موضوع فى المدونة يجد الفرد أمامه مادة ثرية ، غزيرة وفيرة ، كتبها مبدعون من مختلف الأقطار العربية ، وأحيانا الأجنبية يعنى لو الباحث بيعرف اكتر من لغة يبقى أمامه حقل خصب فى الدراسات المقارنة .
شمس :	هى المدونة اكتشاف شبابى..؟ يعنى يقوم بتحريرها شباب باحث عن شهرة أو عن قارئ فى فضاء الاتصال بعد أن فقد فضاء الطباعة الذى لم يتمكن من إثبات ذاته فيه
شهاب :	لأ لأ لأ الفكرة دى غير سليمة.. عارفة ليه ؟ لان فى مبدعين كبار حققوا ذاتهم ونشروا كتير،  وكان لهم حضور فى المؤسسة الثقافية ،  ومع ذلك نراهم يحرصون على تحرير المدونات لمزيد من التواصل مع السياق الثقافى
شمس :	أنت فسرت لى سر وجود أسماء  أدباء وأعلام كبيرة فى النت
شهاب :	تعرفى حد منهم ؟
شمس :	علاء الاسوانى ، سمير الفيل ، محمد العشرى  وأسماء أخرى عديدة  مدونات بأسمائهم
شهاب :	ايوه  ده  صحيح وإن شاء الله كل  ده سيكتب فى مدونة 3/2
شمس :	اظنن أننا عندنا وقت نقدر نبدأ فيه التدريب العملى للمدونات إيه رأيك يا شهاب وانتم كلكم معنا نحاول نعمل مدونة .... مين فيكم يبدأ ؟